தீ விபத்தினால் பாதிக்கப்பட்ட 51 வியாபாரிகளுக்கு மொத்தம் ரூ25-லட்சத்து 50 ஆயிரம் நிதி உதவி வழங்கினார் க.செல்வராஜ் எம்எல்ஏ.

திருப்பூர் ரயில் நிலையம் அருகில் உள்ள காதர் பேட்டை நஞ்சப்பா பள்ளி எதிரில் உள்ள பனியன் பஜாரில் கடந்த 23-6-2023 இரவு பயங்கர தீ விபத்து ஏற்பட்டு 51 கடைகள் ,பனியன் ஆடைகள், ஜெனரேட்டர் உள்ளிட்ட ஒரு கோடி மதிப்புள்ள பொருட்கள் தீயினால் எரிந்து சாம்பலானது தீ விபத்து சம்பவத்தை  அறிந்து உடனடியாக சம்பவ இடத்திற்கு விரைந்து வந்த திருப்பூர் தெற்கு திமுக சட்டமன்ற உறுப்பினர் செல்வராஜ் எம்.எல்.ஏ தீயணைப்புத் துறை, காவல் துறை, மற்றும் மருத்துவத்துறை உள்ளிட்ட அனைத்து துறை அதிகாரிகளையும் அழைத்து கட்டுப்பாடு இல்லாமல் எரிந்த தீயை கட்டுக்குள் கொண்டு வருவதற்கு பெரும் உறுதுணையாக இருந்ததுடன் நள்ளிரவு 2 மணி வரை அங்கேயே இருந்து கடைசி துளி தீயும் அணைக்கப்பட்டது என உறுதி செய்து கொண்டு அங்கு கூடியிருந்த மக்களை அவர்கள் இல்லம் செல்ல கேட்டு கொண்டார்.

பிறகு அங்கிருந்து சென்றார் மீண்டும் அதிகாலை 6 மணிக்கு சம்பவ இடத்திற்கு மீண்டும் வந்த செல்வராஜ் எம்எல்ஏ தீயினால் எரிந்த பொருட்களை மாநகராட்சி அதிகாரிகள் மற்றும் ஊழியர்கள் துணைகொண்டு முழுமையாக அப்புறப்படுத்தி அவ்விடத்தை சீர் செய்தது தீ விபத்தில் பாதிக்கப்பட்டு கண்ணீருடன் இருந்த வியாபாரிகள் ஒவ்வொருவரையும் சந்தித்து  என்னால் முடிந்த உதவியை விரைவில் செய்கிறேன் என்று ஆறுதல் கூறினார்.

உடனடியாக களத்தில் இறங்கிய க. செல்வராஜ் எம்எல்ஏ சில மணி நேரங்களிலேயே பாதிக்கப்பட்ட அனைவரையும் சம்பவ இடத்திற்கு வரவழைத்து பாதிக்கப்பட்ட ஒவ்வொருவருக்கும் தனது சொந்த நிதியிலிருந்து தலா ரூ 50 ஆயிரம் வீதம் 51கடைகளின் உரிமையாளர்களுக்கு மொத்தம் ரூ 25- லட்சத்து 50-ஆயிரம் நிவாரணத்தை உடனடியாக வழங்கினார், கண்ணீர் மல்க பணத்தைப் பெற்றுக் கொண்ட வியாபாரிகள் குடும்பத்துடன் நன்றி தெரிவித்தனர்.

உடன் துணை மேயர் பாலசுப்ரமணியம், தொமுச மாநில துணைச் செயலாளர் டி கே டி மு நாகராசன், எஸ்.திலக்ராஜ் (மாவட்ட திமுக) மற்றும் திமுக நிர்வாகிகள் இருந்தனர்.

மாவட்ட செய்தியாளர் அ.காஜா மைதீன்