திருப்பூர் வடக்கு காவல் நிலையத்திற்கு தமிழக முதல்வர் விருது!.

திருப்பூர் மாநகர காவல் நிலையங்களில் ஒன்றான வடக்கு காவல் நிலையம் இந்த காவல் நிலையமானது, ஆங்கிலேயர் காலத்தில் இருந்து செயல்பட்டு வந்த நிலையில் கடந்த 2017 ஆம் ஆண்டு விரிவு படுத்தப்பட்டு புதுப்பிக்கப்பட்டு இயங்கி வருகிறது இந்த காவல் நிலையத்தின் எதிரில் கொடிகாத்த குமரன் நினைவு தூண் மற்றும் நினைவகமும் ரயில் நிலையமும் வடக்கு வட்டாட்சியர் அலுவலகமும் உள்ளது காவல் நிலையத்தில் இதுவரை இருந்த காவல் ஆய்வாளர்கள் சிறப்பாக பணியாற்றி வந்துள்ளனர் என்பது குறிப்பிடத்தக்கது.

இந்த நிலையில் தமிழக அரசின் சார்பில் ஆண்டுதோறும் தமிழகம் முழுவதும் உள்ள காவல் நிலையங்களில் சிறப்பான காவல் நிலையங்கள் தேர்வு செய்யப்பட்டு தமிழக முதல்வரின் கேடயமும் பாராட்டு சான்றிதழ்களும் வழங்கப்பட்டு வருகின்றது, இந்த நிலையில் 2021- 2022 ஆம் ஆண்டில் தமிழகத்திலேயே சட்டம் ஒழுங்கு குற்ற வழக்குகள் களவு சொத்துக்கள் மீட்பு என 95% வழக்குகளை முடித்து தமிழகத்தின் தலைசிறந்த காவல் நிலையமாக தமிழ்நாடு அரசு அறிவித்தது ஜனவரி 26 ஆம் தேதி சென்னையில் நடைபெற்ற குடியரசு தின விழாவில் மாண்புமிகு தமிழக முதல்வர் ஸ்டாலின் அவர்கள் வடக்கு காவல் ஆய்வாளர் உதயகுமார் அவர்களிடம் முதல் பரிசுக்கான கோப்பையை வழங்கி சிறப்பித்தார்.

இந்நிலையில் பரிசு கோப்பையுடன் திருப்பூருக்கு வருகை தந்த வடக்கு காவல் ஆய்வாளர் உதயகுமார் அவர்களுக்கு உடன் பணிபுரியும் அதிகாரிகள் காவலர்கள் பெரும் உற்சாகத்துடன் மலர் மாலை அணிவித்தும் பொன்னாடை போர்த்தி யும் வரவேற்பு அளித்தனர்.