தாராபுரம் பொதுமக்களிடம் குறைகளை கேட்டறிந்த சத்தியபாமா

பொதுமக்களிடம் குறைகளை கேட்டறிந்த சத்தியபாமா

கோரிக்கை மனுக்களை பெற்று உரிய நடவடிக்கை

தாராபுரம்:

தமிழக வெற்றிக் கழகத்தின் திருப்பூர் தென்கிழக்கு மாவட்ட செயலாளராக பொறுப்பேற்றுள்ள முன்னாள் சட்டமன்ற உறுப்பினர் சத்தியபாமாவை, தாராபுரம் மற்றும் சுற்றுவட்டார பகுதிகளைச் சேர்ந்த பொதுமக்கள் தினமும் நேரில் சந்தித்து பல்வேறு கோரிக்கைகள் தொடர்பான மனுக்களை வழங்கி வருகின்றனர்.

தாராபுரத்தில் உள்ள அவரது அலுவலகத்தில் காலை முதலே பொதுமக்கள் வருகை தந்து, தங்களது தனிப்பட்ட மற்றும் பொதுவான பிரச்சினைகள் குறித்து மனுக்களை அளித்தனர். பொதுமக்கள் அளிக்கும் ஒவ்வொரு மனுவையும் பெற்றுக்கொண்ட சத்தியபாமா, அவர்களிடம் நேரடியாக குறைகளை கேட்டறிந்தார்.

மேலும், குடிநீர், சாலை வசதி, அடிப்படை வசதிகள், அரசு நலத்திட்டங்கள் உள்ளிட்ட பல்வேறு கோரிக்கைகள் குறித்து பொதுமக்கள் தெரிவித்தனர். அவற்றை சம்பந்தப்பட்ட துறை அதிகாரிகளின் கவனத்திற்கு கொண்டு சென்று, உரிய தீர்வு கிடைக்க நடவடிக்கை எடுப்பதாக சத்தியபாமா தெரிவித்தார்.

காலை முதல் மாலை வரை அலுவலகத்திற்கு வரும் பொதுமக்களை நேரில் சந்தித்து குறைகளை கேட்டறிந்து வரும் சத்தியபாமாவின் செயல்பாடு, பொதுமக்களிடையே வரவேற்பை பெற்றுள்ளது.

“மக்களின் குறைகளை கேட்பது மட்டுமல்ல; அவற்றுக்கு தீர்வு கிடைக்க தொடர்ந்து நடவடிக்கை எடுப்பதே எனது நோக்கம்” என்று சத்தியபாமா தெரிவித்ததாக கூறப்படுகிறது.